Новость - Hindistan düyü tədarükünə məhdudiyyətlər qoyub
Hindistan düyü tədarükünə məhdudiyyətlər qoyub




Dünya düyü ixracının 40 %-ni təşkil edən Hindistan rəsmiləri ölkənin ərzaq təhlükəsizliyini təmin etmək üçün bu məhsulun tədarükünə məhdudiyyətlər qoyub.

"Report" xəbər verir ki, bu barədə "Bloomberg" məlumat yayıb.

Hindistan hökuməti tədarükün təxminən üçdə birini təşkil edən qaynadılmış düyü üçün 20 % ixrac rüsumu tətbiq edib. Hindistan ən böyük düyü ixracatçısı olduğundan dünya bazarlarında bu məhsulun qiymətləri artmağa başlaya bilər.

Hindistanın Düyü İxracatçıları Assosiasiyasının prezidenti Krişna Rao bildirib ki, bu addım sayəsində daxili qiymətlər aşağı düşəcək və bu, hökumətə ərzaq inflyasiyasını nəzarətdə saxlamağa kömək edəcək.

İyul ayında Hindistan "Basmati" sortu istisna olmaqla, ağ düyü ixracına qadağa qoyub.
Rəylər 0
Hələ şərh yoxdur
Bağışlayın, şərh yazmaq sizin üçün əlçatan deyil
əvvəl